CONCURSO DE POSTAIS DE NADAL

FAPACEL  organiza o V concurso  de postais de Nadal.
Poden participar todas as nenas e nenos de infantil, primaria e secundaria das ANPAS de Lugo asociadas a FAPACEL.
Se vos apetece tedes aquí as bases para participar:

Actividades Lecer en Inglés e +que contos

Os monitores das actividades "Lecer en Inglés" e "+ que contos" comunicaronnos que o martes, mércores, xoves e venres desta semana non poderán impartir as actividades.
Sentimos as molestias que poida ocasionar.

FOLGA ESTUDIANTIL O 24 DE NOVEMBRO

A CONFAPA(Confederación galega de Anpas de centros públicos)   convoca unha folga de pais/nais e estudantes para mañá día 24 de novembro, para esixir a eliminación das reválidas e a derogación da LOMCE, lei rexeitada por toda a comunidade educativa dende o seu inicio. Convocadas pola Plataforma en Defensa do Ensino Público haberá manifestacións ás 12 da mañá e,  concentracións pola tarde en todas as cidades, en Lugo terá lugar ás 19:00 da tarde diante do IES Nosa Señora dos Ollos Grandes (antigo Feminino).


Tiñamos entendido que a folga de mañan, 24 de novembro, estaba convocada só para educación secundaria.

Dende a ANPA, sentimos non informarvos co tempo necesario, como ocurriu na anterior folga, para que poiderades tomar unha decisión e que a folga tivera o éxito da anterior no Centro Laverde Ruíz.

Pedimos desculpas é invitamosvos a secundala na medida que vos sexa posible.

Atentamente:

Directiva ANPA Laverde Ruíz.

 

 

O COLE EN FOLGA

Dende a ANPA queremos agradecer e dar a nosa noraboa a todos os pais e nais que secundaron a folga de onte. Igualmente a todos aqueles que, anque estando de acordo, non tiveron outra opción que mandar os nenos ao cole, sabemos da problemática da conciliación laboral e familiar.

O 63 % do alumnado non asistiu onte a clase, nunca unha folga fora tan masiva no noso cole. De 241 alumn@s só asistiron 91, de infantil asistiron 34 de 86, e de primaria 57 de 155.

Anque parece un pequeño xesto non o é, xa apareceron hoxe na prensa noticias de que o goberno en funcións anunciou que as reválidas non terán efectos académicos ata que se chegue a un pacto de Estado pola Educación. 

Agradecer de novo a vosa colaboración, entre tod@s faremos o futuro d@s nos@s fill@s un pouco mellor!

FOLGA EDUCATIVA DO 26 DE OUTUBRO

CONFAPA(Confederación galega de Anpas de centros públicos) e a Plataformaen Defensa do Ensino Público convocan unha folga de pais/nais e estudantes o día 26 de outubro, para esixir a eliminación das reválidas e a derogación da LOMCE, lei rexeitada por toda a comunidade educativa dende o seu inicio. Ese día haberá tamén concentracións por todo o Estado.  En Lugo convocada por FAPACEL  terá lugar ás 19:00 da tarde diante do IES Nosa Señora dos Ollos Grandes (antigo Feminino).

Tendo en conta que as reválidas son exames externos, preparados, correxidos e puntuados por persoal alleo ós nosos fillos, que os valora sen coñecelos, e, sobre todo, que tanto a reválida de 4º da ESO como a de 2ºde Bacharelato van decidir o futuro dos nosos estudantes, pois no caso da primeira suspendela implica non acadar o título da ESO (o título máis baixo que hoxe se pode ter) e non poder acceder ó Bacharelato ou a un Ciclo Formativo, e na segunda a imposibilidade de acceder á carreira desexada, dende a ANPA do CEIP Laverde Ruíz de Outeiro de Rei, apoiamos esta folga e animamos ás familias a secundala, non enviando os nenos ó colexio ese día, así como a asistir á concentración en Lugo contra esta Lei inxusta. ¡Polo Futuro dos nosos fillos e fillas!

Tamén están, a partir de hoxe, á vosa disposición no taboleiro da entrada do colexio os papeis de recollida de sinaturas para a eliminación das reválidas. Se non podedes achegarvos para asinar podedes facelo telemáticamente neste enlace

Ante posibles malentendidos derivados da redacción desta  entrada, a ANPA quere aclarar que a folga de ensino foi convocada por CONFAPA. Pola súa parte a Plataforma en Defensa do Ensino Público ( da que forma parte FAPACEL)convoca unha concentración de rechazo á LOMCE o mesmo día diante do IES Nosa Señora dos Ollos Grandes ás 19:00 horas

 

actividades extraescolares 2016/2017

HOXE ARRINCAMOS COAS ACTIVIDADES EXTRAESCOLARES, estes son os horarios.
E para que se poidan localizar máis fácilmente, quédavos nun enlace no lateral dereito do blog.

Zoelas no cole 2

 Como contamos na anterior entrada, o venres tivemos a actuación das Zoelas no cole. E como podedes ver nesta foto os nenos pequenos mostraron curiosidade dende un principio  por ver quen saía.

 E saíron as Zoelas co seu novo disco... e seguían atentos

 e tocaron as palmas e seguiron o ritmo...

 e seguiron cantando e tocando... e ensináronlles aos nenos e nenas os seus instrumentos e os ritmos que fusionaron para facer o seu disco...

 e cando lles preguntamos aos máis maiores se lles gustara esta foi a súa resposta...

 En definitiva, quedaron contentos do concerto, e nós quedamos aínda máis contentos de que lles gustase.
Esperemos que as actividades que propoñamos lles sigan gustando.

Zoelas no Cole

Como xa anunciamos na anterior entrada, dende a nova directiva, queremos retomar o blog para mantervos informados. E qué mellor nova para iniciar esta andaina, que informarvos da primeira actividade lúdico-cultural deste curso. Nada menos que a actuación musical do grupo Zoelas, actividade que entra dentro da programación do Verán Cultural 2016 da Deputación Provincial de Lugo.

A actuación será este venres día 30 de setembro, en horario escolar e está dirixida ao alumnado do centro. Será o profesorado quen se encargue dos nosos nenos durante o evento que terá lugar no salón de actos.

A primeira parte do concerto está dirixida ao alumnado de infantil e primeiro de primaria, sendo a segunda parte para o resto.

Agardamos que lles guste

Estamos a traballar para actualizar o noso Blog

Pronto volveremos a ter o blog actualizado, estamos traballando para que asi sea.
Próximamente estaredes informados tamen por este medio.

Atentamente
Directiva ANPA Laverde Ruiz.